Finansije i Osiguranje - Makedonija

Одобрени бескаматни кредити за поддршка на 136 компании

Владата ја задолжи Развојната банка на Северна Македонија АД да склучи договори за кредит со кредитобарателите што ги исполнуваат условите и критериумите за бескаматни кредити. Според информацијата на Развојната банка, од обработените барања условите ги исполниле 136 компании со 1.737 вработени и на нив им се одобруваат бескаматни кредити во вкупен износ од 1.263.079 евра.

Од овие 136 компании апликанти, 96 отсто се компании до 10 и компании до 50 вработени, што покажува дека средствата од бескаматната линија „Ковид1“ примарно ќе стигнат до микро и малите компании. Доставата на информации со обработени кредитни апликации, кои исполнуваат услови до Владата, ќе се одвива редовно на неделно ниво сè додека не се исцрпат во целост средствата од кредитната линија „Ковид1“, односно од кредитната линија од Посебниот кредитен фонд (ПКФ), со цел намалување на последиците од коронавирусот Ковид-19.

Најдоцна до крајот на неделата Развојната банка ќе стапи во контакт со сите компании чии кредитни апликации беа одобрени на денешната седница на Владата заради реализација на договорите за кредит.